Tuesday, June 29, 2010

Суурилсан системийн хямдхан хавтан

Crosspost: http://mongolian-it.blogspot.com/2010/06/blog-post_26.html

Оюутан байхдаа Үйлдлийн системийн практик хэмээх нэгэн хичээл дээр сууж Motorola 68000 процессортой суурилсан систем (embedded system) програмчлах болов оо. Process scheduler өөрөө зохиох, GPIO (процессорын оролт гаралт) програмчлах гэх мэт зүйл хийх ёстой байлаа. Эхний өдөр яаж том төмөр дээр бичсэн код маань сериал портоор дамжиж суурилсан систем дээр хуулагдаж ажиллаад байгааг ойлгодоггүй, тэгээд суурилсан систем тун сонирхолтой санагдсан тул орой нь гэртээ очоод нэг гэрэлтдэг диод олж аваад сериал портын үзүүр дээр залгаж үзэв. RS232 сериал портын үзүүр -12 болон +12
вольтын хооронд хэлбэлзэж мэдээлэл дамжуулдаг тул юу гэж гэрэлтэх вэ дээ. (Уг нь параллель порт дээр залгасан бол асах байсан хэхэ) Үүнээс хойш суурилсан систем, тэр тусмаа микроконтроллер програмчлал сонирхох болсон билээ. Тухайн үед микроконтроллер програмчлалын/туршилтын хавтан их үнэтэй, над шиг шалдан оюутан худалдан авч чадахааргүй байв. 2005 онд сургуулиа төгсөөд эрдэм шинжилгээний ажилтан болсны дараа анхны цалингаараа Atmel STK500 гэдэг AVR микроконтроллер програмчлагч хавтан 100 еврогоор авч байж билээ. Тэр үеийг бодвол одоо микроконтроллер програмчлая гэвэл хямдхан хавтан байдаг болжээ. Хэрвээ суурилсан систем сонирхдог боловч их хэмжээний мөнгө зарах сонирхолгүй/чадалгүй хүмүүс байвал хэрэг болох болов уу гээд зарим нэгийг нь сонирхуулахаар шийдлээ:

MSP430 LaunchPad
Texas Instruments компани MSP430 хэмээх 16 битийн микроконтроллероо рекламдаж MSP430 LaunchPad гэж туршилтын хавтан хийжээ. 4.30$ -ын үнэтэй (2 пивоны үнэ гэсэн үг). 2 ширхэг микроконтроллер дагалдаж ирнэ. Shipping cost нь буюу тээвэрлэх хөлс нь үнэгүй гэж байгаа.

STM8S Discovery
STMicroelectronics компани STM8S хэмээх 8 битийн микроконтроллероо рекламдаж 10$ -ын үнэтэй STM8S Discovery гэдэг програмчлалын туршилтын хавтан хийжээ.

AVR Butterfly
Atmel компани AVR хэмээх 8 битийн микроконтроллероо рекламдаж AVR Butterfly хэмээх 20$ -ын үнэтэй туршилтын хавтан хийжээ. Эхний хоёр хавтантай харьцуулбал төрөл бүрийн мэдрэгч, LC дэлгэц болон speaker агуулсан учир юм гагнах дургүй хүмүүст хамгийн тохиромжтой. AVR микроконтроллер нь сонирхогчдын дунд хамгийн их тархсан микроконтроллеруудын нэг тул жишээ программ элбэг олддог.

7 comments:

  1. эмбэддэд систем ийн талаар мэдэхгүй л дээ.
    харуулж болох уу?
    дэлгэцийн эгшин хийгээд
    нэг ийм юм байдийн
    бичсэн коод нь ийм байдийн
    гэх мэтээр
    бодитоор харуулж болох уу?

    ReplyDelete
  2. Өмнөх бичлэгүүдээр нь эмбэддэд систем хэрхэн програмчлах тухай байсан даа...

    ReplyDelete
  3. jishe n gar utas embedded system iin jishe bolj chadah u

    ReplyDelete
  4. gar utas, ugaalgiin mashin, dvd player bugd l embedded system. Ter baitugai orchin tsagiin avtomashin dotroo 70 garui shirheg embedded system aguuldag.

    ReplyDelete
  5. Chi odoo uuniigee urgeljluulj bna uu?
    Bi neg uym hiih geed sain uchiraa olohgui l bna. Zuvluguu uguh bolomj her bna.

    Bi neg jijeg hudulguunt zuil hiih gej baigaa uym tegeed udirdlagiig n yaj hiihee sain olj chadahgui l bna. Surguulid baihdaa Intel 8085 programmchilj baisan bolovch odoo teriig ashiglah demii bailgui dee.

    ReplyDelete
  6. chi ih dajgui goy sedeveer bichej bgan bn bi bas ene turuliin systemuudiig anhlan sonirhogch bgama za ene blogoo tsash ni iluu olon zuileer bayjuulaad avaad yavaaria hugshuun

    ReplyDelete
  7. Hi,

    Nice post,thanks for sharing this information.Looking forward for more posts like this.

    Embedded Systems Services

    ReplyDelete